"ეს არც ადა­მი­ა­ნურ და მით უმე­ტეს, არც ის­ტო­რი­ულ ლო­გი­კა­ში არ ჯდე­ბა" - რის გა­მო წუ­ხან შე­ვარ­დ­ნა­ძის შვი­ლიშ­ვი­ლე­ბი
font-large font-small
"ეს არც ადა­მი­ა­ნურ და მით უმე­ტეს, არც ის­ტო­რი­ულ ლო­გი­კა­ში არ ჯდე­ბა" - რის გა­მო წუ­ხან შე­ვარ­დ­ნა­ძის შვი­ლიშ­ვი­ლე­ბი
ბერ­ლი­ნის კედ­ლის 19 ნა­ტე­ხი­დან, ერთ-ერ­თი წარ­წე­რით - Danke, Eduard მის სახლ-მუ­ზე­უმ­ში ინა­ხე­ბა


ჟურ­ნა­ლის­ტი სო­ფო შე­ვარ­დ­ნა­ძე ბა­ბუ­ა­ზე, სა­ქარ­თ­ვე­ლოს ყო­ფილ პრე­ზი­დენ­ტ­ზე, ედუ­არდ შე­ვარ­დ­ნა­ძე­ზე პოსტს ავ­რ­ცე­ლებს. ტე­ლე­წამ­ყ­ვა­ნი წუ­ხილს გა­მოთ­ქ­ვამს იმის გა­მო, რომ ცო­ტა ხნის წინ თბი­ლის­ში გახ­ს­ნილ გა­მო­ფე­ნა­ზე, რო­მე­ლიც ბერ­ლი­ნის კედ­ლის დან­გ­რე­ვას ეძღ­ვ­ნე­ბო­და, ედუ­არდ შე­ვარ­დ­ნა­ძის ფო­ტოს­თ­ვის ად­გი­ლი არ მო­ი­ძებ­ნა (სტი­ლი და­ცუ­ლი­ა).


"ძა­ლი­ან იშ­ვი­ა­თად ვწერ ჩემს ბა­ბუ­ა­ზე სა­ერ­თოდ რა­მეს, მით უმე­ტეს, პო­ლი­ტი­კურ კონ­ტექ­ს­ტ­ში, მაგ­რამ არის მო­მენ­ტე­ბი, რო­დე­საც მიმ­ძიმს სი­ჩუ­მე და გუ­ლი მტკი­ვა. მარ­ტო სა­ქარ­თ­ვე­ლო­ში შე­იძ­ლე­ბა გა­იხ­ს­ნას ევ­რო­პის მო­ე­დან­ზე გა­მო­ფე­ნა ბერ­ლი­ნის კედ­ლის ფრაგ­მენ­ტი­დან და არ იყოს იქ ჩე­მი ბა­ბუ­ის, ედუ­არდ შე­ვარ­დ­ნა­ძის ფო­ტო. ეს არც ადა­მი­ა­ნურ, არც ობი­ექ­ტურ და მით უმე­ტეს, არც ის­ტო­რი­ულ ლო­გი­კა­ში არ ჯდე­ბა..."
შე­გახ­სე­ნებთ, სა­ქარ­თ­ვე­ლოს ყო­ფი­ლი პრე­ზი­დენ­ტის, ედუ­არდ შე­ვარ­დ­ნა­ძის შვი­ლიშ­ვი­ლებ­მა სა­ქარ­თ­ვე­ლო­ში გერ­მა­ნი­ის ელჩს წე­რი­ლით მი­მარ­თეს, სა­დაც შე­ვარ­დ­ნა­ძე­ე­ბი გუ­ლის­ტ­კი­ვილს გა­მოთ­ქ­ვა­მენ, რომ ევ­რო­პის მო­ე­დან­ზე, ბერ­ლი­ნის კედ­ლის ფრაგ­მენ­ტის გახ­ს­ნის ფარ­გ­ლებ­ში გა­მარ­თულ გა­მო­ფე­ნა­ზე ედუ­არდ შე­ვარ­დ­ნა­ძის ფო­ტოს­თ­ვის ად­გი­ლი ვერ გა­მო­ი­ნა­ხა. გთა­ვა­ზობთ გან­ცხა­დე­ბის ტექსტს მცი­რე­ო­დე­ნი შემ­ცი­რე­ბით (სტი­ლი და­ცუ­ლი­ა):
"გვინ­და, ჩვე­ნი ღრმა გუ­ლის­ტ­კი­ვი­ლი გა­მოვ­ხა­ტოთ ევ­რო­პის მო­ე­დან­ზე, ბერ­ლი­ნის კედ­ლის ფრაგ­მენ­ტის გახ­ს­ნის ფარ­გ­ლებ­ში, გა­მარ­თულ გა­მო­ფე­ნას­თან და­კავ­ში­რე­ბით. ამ ექ­ს­პო­ზი­ცი­ა­ზე, ის­ტო­რი­ულ ფო­ტო­ებს შო­რის, ჩვე­ნი ბა­ბუ­ის, ედუ­არდ შე­ვარ­დ­ნა­ძის ად­გი­ლი არც კი გა­მო­ი­ნა­ხა. ეს ფაქ­ტი, რო­გორც ადა­მი­ა­ნუ­რად, ისე ის­ტო­რი­უ­ლად ობი­ექ­ტუ­რი ის­ტო­რი­ის სრულ იგ­ნო­რი­რე­ბას წარ­მო­ად­გენს.
სა­ქარ­თ­ვე­ლოს პრე­მი­ერ-მი­ნის­ტ­რ­მა, გი­ორ­გი კვი­რი­კაშ­ვილ­მა სრუ­ლი­ად სა­მარ­თ­ლი­ა­ნად აღ­ნიშ­ნა ამ მოვ­ლე­ნის "ა­ნო­მა­ლი­უ­რი", ის­ტო­რი­უ­ლად უსა­მარ­თ­ლო ხა­სი­ა­თი. მად­ლო­ბა მას ასე­თი სწო­რი სა­ხელ­მ­წი­ფო­ებ­რი­ვი, მო­ქა­ლა­ქე­ობ­რი­ვი და ადა­მი­ა­ნუ­რი პო­ზი­ცი­ის­თ­ვის.
თქვე­ნო აღ­მა­ტე­ბუ­ლე­ბავ, გვსურს, თავს მივ­ცეთ უფ­ლე­ბა და შე­გახ­სე­ნოთ:
- 1989 წლის 12 ივ­ნისს მი­ხე­ილ გორ­ბა­ჩო­ვის და ედუ­არდ შე­ვარ­დ­ნა­ძის ვი­ზი­ტი გერ­მა­ნი­ის ფე­დე­რა­ცი­ულ რეს­პუბ­ლი­კა­ში. ედუ­არდ შე­ვარ­დ­ნა­ძემ ბა­ტონ გენ­შერ­თან სა­უბ­რი­სას გა­ნაცხა­და: "ალ­ბათ ძა­ლი­ან მა­ლე დი­დი სა­უ­ბა­რი გვექ­ნე­ბა კონ­ტი­ნენ­ტის მო­მავ­ლის შე­სა­ხებ" და "რო­დე­საც სა­ა­მი­სოდ დრო მომ­წიფ­დე­ბა, ბერ­ლი­ნის კე­დე­ლიც და­ინ­გ­რე­ვა".
- 1989 წლის 9 ნო­ემ­ბერს გერ­მა­ნი­ის დე­მოკ­რა­ტი­უ­ლი რეს­პუბ­ლი­კის საზღ­ვა­რი გა­იხ­ს­ნა და გერ­მა­ნია ფორ­მა­ლუ­რად გა­ერ­თი­ან­და.
- 1990 წლის 15-16 ივ­ლისს საბ­ჭო­თა კავ­შირ­ში, სტავ­რო­პო­ლის ოლ­ქ­ში - არ­ხის­ში, გორ­ბა­ჩო­ვის, კო­ლის, გენ­შე­რის და შე­ვარ­დ­ნა­ძის შეხ­ვედ­რა გა­ი­მარ­თა. დღის წეს­რიგ­ში - გერ­მა­ნი­ის დე­მოკ­რა­ტი­უ­ლი რეს­პუბ­ლი­კი­დან საბ­ჭო­თა ჯა­რე­ბის გა­მოყ­ვა­ნა იყო.
- 1990 წლის 12 სექ­ტემ­ბერს ხე­ლი მო­ე­წე­რა ხელ­შეკ­რუ­ლე­ბას "ო­რი პლუს ერ­თი". ხო­ლო მე­ო­რე დღეს, 13 სექ­ტემ­ბერს შე­ვარ­დ­ნა­ძემ და გენ­შერ­მა, უკ­ვე ამ თან­ხ­მო­ბის პა­რა­ფი­რე­ბას მო­ა­წე­რეს ხე­ლი. მოგ­ვი­ა­ნე­ბით კი გორ­ბა­ჩოვ­მა და კოლ­მა სა­ბო­ლო­ოდ და­ა­დას­ტუ­რეს "ხელ­შეკ­რუ­ლე­ბა კე­თილ­მე­ზობ­ლო­ბის, პარ­ტ­ნი­ო­რო­ბი­სა და თა­ნამ­შ­რომ­ლო­ბის შე­სა­ხებ"...
ეს მხო­ლოდ რამ­დე­ნი­მე მშრა­ლი ფაქ­ტის კონ­ს­ტა­ტი­რე­ბაა, რაც ნამ­დ­ვი­ლად არ ასა­ხავს სრუ­ლად, ჩვე­ნი ბა­ბუ­ის, ედუ­არდ შე­ვარ­დ­ნა­ძის, პი­რად წვლილს და და­მო­კი­დე­ბუ­ლე­ბას გერ­მა­ნი­ა­სა და გერ­მა­ნე­ლე­ბის მი­მართ. არ ასა­ხავს მის უდი­დეს პა­ტი­ვის­ცე­მას გერ­მა­ნელ თა­ნა­მო­აზ­როვ­ნე­ებ­სა და პარ­ტ­ნი­ო­რებ­თან. აქ არ ჩანს მი­სი უდი­დე­სი პი­რა­დი პა­სუ­ხის­მ­გებ­ლო­ბა, რო­მე­ლიც მან თა­ვი­სი ცხოვ­რე­ბის გზა­ზე იტ­ვირ­თა იმ იმე­დით, რომ გერ­მა­ნია ერ­თი­ან­დე­ბო­და ევ­რო­პი­სა და მსოფ­ლი­ოს სა­კე­თილ­დღე­ოდ.
მო­გეხ­სე­ნე­ბათ, ბერ­ლი­ნის კედ­ლის 19 ნა­ტე­ხი­დან, ერთ-ერ­თი წარ­წე­რით - Dანკე, Eდუარდ მის სახლ-მუ­ზე­უმ­ში ინა­ხე­ბა. ამ ნა­ტეხ­მა მსოფ­ლი­ოს ის მრა­ვა­ლი გა­მო­ფე­ნა შე­მო­ი­ა­რა, რო­მე­ლიც გერ­მა­ნი­ის გა­ერ­თი­ა­ნე­ბას ეძღ­ვ­ნე­ბო­და. თუმ­ცა, რა­ტომ­ღაც, ედუ­არდ შე­ვარ­დ­ნა­ძის ფო­ტოს ვერ გა­მო­ე­ნა­ხა ად­გი­ლი იმ გა­მო­ფე­ნა­ზე, რო­მე­ლიც მის სამ­შობ­ლო­ში ჩა­ტარ­და... ქალ­ბა­ტო­ნო ელ­ჩო, თქვენ, ეს გა­მო­ფე­ნა სა­ქარ­თ­ვე­ლო­ში იმი­ტომ გახ­სე­ნით და არა სხვა ქვე­ყა­ნა­ში, რომ აქ ედუ­არდ შე­ვარ­დ­ნა­ძის ის­ტო­რი­უ­ლი სამ­შობ­ლოა.
ჰანს-დიტ­რიხ გენ­შე­რი­სა და ედუ­არდ შე­ვარ­დ­ნა­ძის პარ­ტ­ნი­ო­რო­ბა და მე­გობ­რო­ბა ქარ­თ­ვე­ლი და გერ­მა­ნე­ლი ხალ­ხე­ბის ურ­თი­ერ­თო­ბი­სა და თა­ნამ­შ­რომ­ლო­ბის სა­ფუძ­ვე­ლი გახ­და. სწო­რედ გენ­შე­რი იყო ის პირ­ვე­ლი და­სავ­ლე­ლი პო­ლი­ტი­კო­სი, რო­მე­ლიც სა­ქარ­თ­ვე­ლოს ეწ­ვია და გერ­მა­ნი­ის სა­ხე­ლით სა­ქარ­თ­ვე­ლოს პირ­ველ­მა მი­უ­ლო­ცა და­მო­უ­კი­დებ­ლო­ბა. გენ­შე­რი იყო ის პო­ლი­ტი­კო­სი, რო­მე­ლიც ედუ­არდ შე­ვარ­დ­ნა­ძის გარ­დაც­ვა­ლე­ბის ცე­რე­მო­ნი­ა­ზე ჩა­მო­ვი­და და თვი­თო­ნაც, უკ­ვე და­უძ­ლუ­რე­ბულ­მა, უკა­ნას­კ­ნე­ლი პა­ტი­ვი მი­ა­გო ჩვე­ნი ბა­ბუ­ის ხსოვ­ნას, მის დამ­სა­ხუ­რე­ბას გერ­მა­ნე­ლი ხალ­ხის წი­ნა­შე. სულ რა­ღაც ექვს თვე­ში ჰანს-დიტ­რიხ გენ­შე­რიც გარ­და­იც­ვა­ლა. მას­თან ოფი­ცი­ა­ლუ­რი გა­მომ­შ­ვი­დო­ბე­ბი­სას გერ­მა­ნი­ის ბუნ­დეს­ტაგ­ში, ყვე­ლა­ზე მა­ღა­ლი ტრი­ბუ­ნი­დან, არა­ერ­თხელ გაჟ­ღერ­და ედუ­არდ შე­ვარ­დ­ნა­ძის სა­ხე­ლიც - კა­ცის, რო­მელ­მაც ჰანს-დიტ­რიხ გენ­შერ­თან ერ­თად, გა­დამ­წყ­ვე­ტი რო­ლი შე­ას­რუ­ლა ახა­ლი გერ­მა­ნი­ის და შე­სა­ბა­მი­სად, ახა­ლი ევ­რო­პის არ­ქი­ტექ­ტუ­რის ჩა­მო­ყა­ლი­ბე­ბა­ში.
თქვე­ნო აღ­მა­ტე­ბუ­ლე­ბავ, გვჯე­რა, რომ გა­მო­ფე­ნის და­გეგ­მ­ვი­სას დაშ­ვე­ბუ­ლი იქ­ნა უხე­ში, სრუ­ლი­ად გა­უ­მარ­თ­ლე­ბე­ლი შეც­დო­მა და რომ ეს არ არის გერ­მა­ნე­ლი ხალ­ხის და გერ­მა­ნი­ის სა­ხელ­მ­წი­ფოს პო­ზი­ცია. გვჯე­რა, ყვე­ლა­ფერს იღო­ნებთ იმის­თ­ვის, რომ ეს სა­მარ­ცხ­ვი­ნო ხარ­ვე­ზი აღ­მო­იფხ­ვ­რას..." - ნათ­ქ­ვა­მია მი­მარ­თ­ვა­ში, რო­მელ­საც ხელს ედუ­არდ შე­ვარ­დ­ნა­ძის შვი­ლიშ­ვი­ლე­ბი აწე­რენ.
ბეჭდვაელფოსტა
კომენტარები (0)
კომენტარი არ გაკეთებულა
ამ კატეგორიის სხვა სიახლეები
15 მოწმე ბავშვიდან არც ერთი მკვლელს რომ არ ამხელს, ეს ტრაგედია არ არის?!, - ამის შესახებ "ქართული ოცნების" დეპუტატი ნინო წილოსანი Fაცებოოკ-ის გვერდზე წერს.
"მაია ასათიანი, ცხოვრების მთავარი შეხვედრა წინ გელოდება"...
ორთაჭალაში დატრიალებულ უდიდეს ტრაგედიას ფეიქბუქის პირად გვერდზე ეხმაურება დიზაინერი ლიკა ყაზბეგი:

ფოტოს სოციალურ ქსელებში განიხილავენ და კონუეის ეტიკეტის ნორმების დარღვევის გამო აკრიტიკებენ.


კვირის სიახლეები
ექ­ს­კ­ლუ­ზი­უ­რი ქალ­თა ჰო­როს­კო­პი ანუ რა ელით ქა­ლებს 2018 წელს ზო­დი­ა­ქოს ნიშ­ნის მი­ხედ­ვით
მე­გობ­რო­ბით დაწყე­ბუ­ლი ურ­თი­ერ­თო­ბა წლის ბო­ლოს შე­იძ­ლე­ბა ქორ­წი­ნე­ბის შან­სებ­ში გა­და­ი­ზარ­დოს
0 კომენტარი
მეუფე შიო - გამორჩეული მღვდელმსახური
როგორც საპატრიარქოში აცხადებენ, რამდენიმე დღეში წერილობით გაიწერება მისი უფლება-მოვალეობები
0 კომენტარი
ქალის სასტიკი ხვედრი "მესამე სამყაროში" - სულისშემძვრევლი ამბავი გაყიდულ შვილებზე
ავღანელი გოგონას უმძიმესი ცხოვრების ამბავი
8 კომენტარი
მა­ჩაბ­ლის იდუ­მა­ლე­ბით მო­ცუ­ლი ცხოვ­რე­ბა და გა­უ­ჩი­ნა­რე­ბა
"რუ­დუ­ნე­ბით შე­მო­ნა­ხუ­ლი მი­სი სა­მი ნეკ­ნი მთაწ­მინ­დას მი­ა­ბა­რეს..."
7 კომენტარი
"დრო ყველაფერს "ალაგებს"... - რაში გაუმართლა თინი გალდავას
როდესაც იცვლება შენი ფიქრები, მაშინვე იცვლება შენი ცხოვრებაც
0 კომენტარი
თემა, რომელზეც ილო ბეროშვილი საჯაროდ პირველად ალაპარაკდა
ილო ბეროშვილის "ფერისცვალება" და განცდა, რომელიც ხელახლა დაბადების ტოლფასია
5 კომენტარი
ვინ არის გამოსახული ფოტოზე, რომელიც დღემდე ნატო ვაჩნაძე გვეგონა
"სახითა და აღნაგობით ჰგავდნენ ერთმანეთს, ორივე ძალიან ლამაზი იყო..."
18 კომენტარი
სახსრებში მამტვრევს. ალბათ ბედნიერების ნიშანია.
LIFE
 "შვი­ლი დღემ­დე არ მპა­ტი­ობს, რომ დე­და­სა და ქმარს სა­თა­ნა­დო ად­გი­ლი ვერ მი­ვუ­ჩი­ნე..."
"წი­თე­ლი" მემ­კ­ვიდ­რე­ო­ბა და და­კარ­გუ­ლი თა­ვი­სუფ­ლე­ბა
1 კომენტარი
უძლური ქმრისა და 18 წლის ცოლის დავა - 11 წლის ასაკში გათხოვილი გოგონას უცნაური თავგადასავალი

უმოწყალესო ხელმწიფევ, ვეკრ­ძალვი და ვიშიშვი თუ ვითარ გავბედო ესე ვითარი მოხსენება
3 კომენტარი
კეთილ სიცრუეში გაზრდილი ქალის ცრემლები
ვერ დავუშვებდი ორმეტრიანი ბიძის უხმოდ გასვენებას

0 კომენტარი