რატომ ჩაცხრილეს სიძე და ცოლისძმა? - ოზურგეთში მომხდარი მკვლელობის უცნობი დეტალები
font-large font-small
რატომ ჩაცხრილეს სიძე და ცოლისძმა? - ოზურგეთში მომხდარი მკვლელობის უცნობი დეტალები
დიმა მეუღლესა და შვილთან ერთად ცხოვრობდა

გასულ კვირას ოზურგეთში, დღისით, საკუთარ ავტომობილში 42 წლის გურამ ფოცხიშვილი და მისი დის ქმარი, 33 წლის დიმა ომოლჩენკო სადისტურად ჩაცხრილეს. თავდამსხმელებმა 30-ჯერ გაისროლეს ორი სხვადასხვა იარაღიდან. ფოცხიშვილს სხეულზე 10 ჭრილობა მიაყენეს, ომოლჩენკოს - 4 და შემთხვევის ადგილიდან მიმალვაც შეძლეს. ცნობილია, რომ გასროლები ე.წ. კალაშნიკოვის ავტომატიდან, ასევე "მაკაროვის" სისტემის იარაღიდან მოხდა. სამწუხაროდ, ორივე ახალგაზრდა ადგილზე გარდაიცვალა. გავრცელებული ინფორმაციით, თავდამსხმელები შავი ფერის "ჰონდას" მარკის ავტომანქანით გადაადგილდებოდნენ. მოგვიანებით ეს ავტომანქანა შემთხვევის ადგილიდან რამდენიმე კილომეტრის მოშორებით, დამწვარი იპოვეს. ეტყობა, ამ გზით სცადეს თავდამსხმელებმა კვალის წაშლა. შემზარავ ფაქტს თვითმხილველები არ ჰყავს, რადგან იმ დროს კოკისპირულად წვიმდა და მოსახლეობას გასროლის ხმა არ გაუგონია.


მომხდარზე გამოძიება 109-ე მუხლით აღიძრა, რაც დამამძიმებელ გარემოებაში განზრახ მკვლელობას გულისხმობს, თუმცა ამ დრომდე უცნობია დამნაშავეების ვინაობა. ერთ-ერთი ვერსიით, მკვლელობა წინასწარ კარგად იყო დაგეგმილი და მიზანი გურამ ფოცხიშვილის განადგურება გახლდათ. იგი კრიმინალურ სამყაროსთან დაახლოებული პირია და როგორც ამბობენ, წლების წინ ე.წ. კანონიერ ქურდებთან დაპირისპირებაც ჰქონდა. გავრცელებული ინფორმაციით, ანგარიშსწორება ძველი წყენის გამო მოხდა, თუმცა უცნობია, კონკრეტულად რა მიზეზით დაუპირისპირდნენ მას.

ფოცხიშვილი 2006 წელს იარაღის უკანონო შეძენა-შენახვისა და პოლიციისთვის შეიარაღებული წინააღმდეგობის გაწევის ბრალდებით დააკავეს. მაშინ მას სასამართლომ 25-წლიანი პატიმრობა მიუსაჯა. თურმე, ციხეში მისი მოკვლაც სცადეს. ამბობენ, ე.წ. ავტორიტეტებმა საკანში პატიმარი შეუგზავნეს და მან მაკრატლით მიაყენა დაზიანება. მაშინ სიკვდილს გადაურჩა, ვერ განახორციელეს ჩანაფიქრი. როგორც ათასობით მსჯავრდადებულს, ხელისუფლების შეცვლის შემდეგ ფოცხიშვილსაც ამნისტია შეეხო და საბოლოოდ, 2013 წელს ციხე დატოვა. როგორც ამბობენ, ბოლო დროს ბიზნესით იყო დაკავებული და ოზურგეთში ცხოვრობდა. თურმე, გურამ ფოცხიშვილს ბევრი მტერი ჰყავდა
- ე.წ. კანონიერი ქურდები და მათთან დაახლოებული პირები.
- გურამს ბაბუის სახელი ერქვა, ბაბუამისი კანონიერი ქურდი იყო და ასევე მამამისი, დავითიც. დავითს ბოლოს რაღაც დაპირისპირება ჰქონდა ე.წ. ავტორიტეტებთან და ამბობენ, მას ქურდის სახელი შეუჩერესო. დაპირისპირება 90-იან წლებში დაიწყო, როცა ოზურგეთში არჩევნების მოსაგებად ერთი ცნობილი "კანონიერი ქურდი" თბილისიდან ჩამოიყვანა იმჟამინდელმა ხელისუფლებამ. გურამის მამა მაშინ ამ ქურდს დაუპირისპირდა. სიტუაცია ისე დაიძაბა, რომ ესროლა კიდეც და დაჭრა, მერე კი სხვა "კანონიერ ქურდებთან" ჰქონდა კონფლიქტები. გურამსაც ჰქონია კრიმინალური სამყაროს წარმომადგენლებთან დაპირისპირება. მაშინ ყველა ამბობდა, ის რომ არ დაეჭირათ, აუცილებლად მოკლავდნენო. ციხეში ჩასვეს, იქაც სცადეს დაჭრა, ეტყობა პრობლემა მაინც ვერ მოგვარდა და ახლა იძიეს შური. ისე, ადგილობრივებთან ნორმალური ურთიერთობა ჰქონდა. იმ დღეს თურმე სათევზაოდ მიდიოდა, მანქანაში ჩაულაგებია საჭირო ატრიბუტები და უთქვამს, - ჩემთან ერთად დიმაც მოდისო და სახლიდან წამოსულა. მდინარემდე არ ჩასულან, ეტყობა გზაში დაურეკეს, ალბათ შეხვედრა სთხოვეს, ამიტომ იაკობ შემოქმედელის ქუჩისკენ წამოსულა და იქ გაუხსნეს ცეცხლი, - ამბობს იქაური მცხოვრები.

რაც შეეხება მასთან ერთად მოკლულ დიმა ომოლჩენკოს, ამბობენ, რომ ის მსხვერპლია და თავდამსხმელებმა მთავარი მოწმე ამ გზით მოიშორეს თავიდან.
დიმას მძიმე ბავშვობა ჰქონდა: მშობლები ადრე დაეღუპა და ულუკმაპუროდ დარჩენილი, შემოქმედის ეპარქიაში აღმოჩენილა. მეუფე იოსებმა გაზარდა. იგი სტიქაროსანი და მეუფის მძღოლი იყო. ყველა დადებითად ახასიათებს და მომხდარით შეძრულები არიან. ამბობენ, რომ არაჩვეულებრივი ადამიანი იყო და მას მტერი არ ჰყავდა. სოციალური ქსელი სავსეა ტკივილიანი წერილებით.
შემოქმედის ეპარქიის პრესსამსახურის ხელმძღვანელი, ხათუნა ცერცვაძე წერს (სტილი დაცულია): "მამა ვასილმა აღმოაჩინა პატარა, თეთრი, საყვარელი ბიჭი. თავისთან ზრდიდა. მერე მეუფემ ნახა და ეტყობა თვალებში რომ ჩახედა, დაინახა, რაც ელოდა, ამიტომ უნდოდა, თავისი ფრთების ქვეშ ყოფნით დაეფარა. დიმა გაიზარდა შემოქმედის ეპარქიაში, მეუფის ფრთის ქვეშ, ეკლესიის წიაღში. ერთგული და პატიოსანი კაცი დადგა. მშრომელი და სიკეთის მოყვარე. მეუფისგან სითბო, სიყვარული, შრომისმოყვარეობა ისწავლა და ასე გვინაწილებდა სიყვარულს ყველას, ჩვენი გაზაფხულა, ასე ეძახდნენ მას, დედობას იღუმენიები და დედები უწევდნენ. ყველას შვილივით გულში გვყავდა ჩვენი დიმიკო. ასე მოვდიოდით ერთად, ბევრი წელი. ბედნიერი წუთები და ერთად ყოფნის სიამოვნება გვავსებდა. ყველა ასე ვერთიანდებოდით მეუფის ირგვლივ. უფრო სწორად, მეუფე გვაერთიანებდა თავის ირგვლივ... მერე ცხოვრების გზაჯვარედინზე გავედით. დიმიკო დაქორწინდა და ეს იყო ყველაზე ბედნიერი და ლამაზი დღე. ყველა მასთან ვიყავით და გვინდოდა, ყველაფერი საუკეთესო ჰქონოდა. მერე დიმიკომ ეს პასუხისმგებლობა კარგად გაისიგრძეგანა და ოჯახის სარჩენად საზღვარგარეთაც წავიდა. დღედაღამ მუშაობდა ცოლ-ქმარი, რომ რაიმე შეექმნათ. მერე დაბრუნდნენ სამშობლოში, თავიანთი ბუდე მოიწყვეს და შრომა გააგრძელეს. ასე პატიოსნად და დაუზარლად გაჰქონდათ ცხოვრების ჭაპანი. დღეს კი, ჩემი საწყალი ბიჭი ასე უმოწყალოდ წავიდა ამ ქვეყნიდან, დატოვა სიყვარული და პატარა ბიჭი. ბიჭი, რომელიც მამის ასლია. ბიჭი, რომელიც უმამოდ უნდა გაიზარდოს. მართალია, ემახსოვრება საყვარელი მამიკო, მაგრამ მაინც სხვებისგან მოუწევს გაიგოს, როგორი თბილი გული ჰქონდა მის უბედო მამას, როგორი ერთგული, როგორი მშრომელი იყო და სულ პატარა ბიჭმა რაც შეეძლო ყველაფერი დაუტოვა მის შვილს. რაც მთავარია, პატიოსანი სული და სახელი დატოვა, მაგრამ მაინც შემთხვევითობის მსხვერპლი გახდა".

მომხდარით შეწუხებულია დიაკვანი დავით გოგიტიძე, რომელიც დიმა ომოლჩენკოსთან ერთად ტაძარში მსახურობდა. ამბობს, რომ ახალგაზრდა მამაკაცს კრიმინალთან შეხება არასდროს ჰქონია. გოგიტიძის თქმით, დიმა ომოლჩენკო მკვლელობამდე ერთი საათით ადრე ნახა:
- ძალიან მშვიდად და წყნარად იყო. მის გეგმებზეც ვისაუბრეთ, პრობლემა არავისთან ჰქონია. ის შემთხვევითობის მსხვერპლია, დიმა უკონფლიქტო ადამიანი იყო... - ამბობს დიაკვანი.

დიმა მეუღლესა და შვილთან ერთად ცხოვრობდა. მასზე კობა სუბელიანი წერს:
"ოზურგეთელ ბიჭს ვიცნობდი, დიმა ერქვა. ფაქტობრივად, ერთად გავიზარდეთ, თუმცა პატარა იყო ჩემზე. სემინარიიდან ზაფხულის არდადეგების პრაქტიკებზე რომ გვანაწილებდნენ სტუდენტებს, მე გურიას ვირჩევდი ხოლმე, მეუფე იოსებთან მივდიოდი ოზურგეთში. იქ გავიცანი და ერთად ვსტიქაროსნობდით მე და დიმა. მეუფე იოსებთან მსახურობდა საკათედროში. ობოლი იყო. 5 წლის იყო, როცა დაობლდა. მეუფემ იშვილა და გაზარდა, მერე სახლი უყიდა ოზურგეთში და დაოჯახდა კიდეც. ცოლის ძმა კრიმინალური სამყაროს წარმომადგენელი იყო, რომელიც მანქანაში ჩაცხრილეს ოზურგეთის ცენტრში და დიმაც ზედ მიაყოლეს, რადგან იქ იყო - მოწმე მოიშორეს, რა! პატიოსანი ადამიანი მოკლეს მხოლოდ იმის გამო, რომ ფაქტს შეესწრო. ცოლი და 3 წლის შვილი დარჩა".
მომღერალი ბექა ჩხაიძეც თავის "ფეისბუკ"-გვერდზე ეხმიანება მომხდარს და ამბობს, საქართველოში არ ვარ და გურამისა და დიმას მკვლელობამ ძალიან გამამწარაო. ის აზიარებს დავით კენჭიაშვილის შესრულებულ სიმღერას - "ცირა" და ასეთ მინაწერს უკეთებს:
"ამ სიმღერაზე დაგვათენდა თავზე და ზუსტად ასე მითხარი - "კაროჩე გავარიატ, შენც მაგარი ბრადიაგა ყოფილხარ". ეს რაც მოხდა, მოულოდნელი იყო, დარწმუნებული ვარ, თორე მაგ "გაზაფხულივით" სუფთა ბიჭს მაინც გადაარჩენდი! ჩემ თვალწინ გაიზარდა ეგ ოქროს ბიჭი და მაგის გამოტანილი სეფისკვერი ახლაც მიხანგრძლივებს ცხოვრებას. გემშვიდობები, ჩემო ვაჟკაცო კაცო, გემშვიდობები, დიმა. გაზაფხულივით სუფთა იყავი და ღმერთმა გაანათლოს თქვენი სული" .
შინაგან საქმეთა სამინისტროში ჯერჯერობით ამ საქმის ირგვლივ არ საუბრობენ. უცნობია, რა ვერსიებზე მუშაობს გამოძიება. ფაქტზე მოკვლევა გრძელდება. თავად დაღუპულის ოჯახის წევრები და ახლობლებიც ერიდებიან მომხდარზე საუბარს. ვნახოთ, რა გაირკვევა გამოძიებით.

თეა ხურცილავა
ბეჭდვაელფოსტა
კომენტარები (0)
კომენტარი არ გაკეთებულა
ამ კატეგორიის სხვა სიახლეები

"ხსნარების საშუალებით ანაბეჭდების ამოღება წვიმიან ამინდშიც შეგვიძლია"


ამ ეტაპზე შსს-ში მომხდართან დაკავშირებით დამატებით დეტალებზე არ საუბრობენ.
ძალოვანებმა ერთი თვის წინ მომხდარი შემზარავი მკვლელობა გახსნეს და ბრალდება მოკლული მოხუცის ოჯახის წევრს წაუყენეს.
1-ლ მაისს დავით გაგუას კლინიკაში 29 წლის ნინო მათიაშვილი სისხლდენით გარდაიცვალა.


"ზიხარ მოწყენილი და ფიქრობ.... ჩუმად აპარებ თვალს სარკისკენ, სადაც დაღლილ ქალს ხედავ...
თაღლითური სქემა, რომელსაც ადამიანები თვითმკვლელობამდე მიჰყავს

დეკანოზის მიერ სარჩელის ხელმოწერის შემდეგ, დოკუმენტი ადამიანის უფლებათა ევროპულ სასამართლოში გაიგზავნება
თბილისის საქალაქო სასამართლოს მოსამართლე გიორგი ებანოიძემ განაჩენი რამდენიმე წუთის წინ გამოაცხადა

კვირის სიახლეები
"ეს მხოლოდ ძალიან ახლობლებმა იციან, სხვა ვერ შემამჩნევს" - თათია დოლიძის წარმატების ფორმულა, რისკი, რომანტიზმი და ახალი გამოწვევები

"საკუთარ თავს ყოველთვის შთავაგონებ და შედეგს ბრძოლით ვაღწევ"

"საყვარელი ადამიანების გარემოცვაში, თავს ყოველთვის მეტის უფლებას ვაძლევ"

2 კომენტარი
"ექსპერტები დამნაშავეზე ერთი ნაბიჯით ყოველთვის წინ ვართ"  -  როგორ იხსნება დანაშაულები?

"ხსნარების საშუალებით ანაბეჭდების ამოღება წვიმიან ამინდშიც შეგვიძლია"


1 კომენტარი
სავსე დარბაზისთვის არც შეუხედავს - რა ხდებოდა დედის მკვლელობის ბრალდებით დაკავებული ბალერინას სასამართლო პროცესზე?

"თურმე ეუბნებოდნენ, - სახლიდან წადი, ჩემი შვილი არა ხარ, თავი მოგვაბეზრეო..."


1 კომენტარი
ვინ იყო ლეო ესა­კია და რა თა­ნამ­დე­ბო­ბა ეკა­ვა მას მთავ­რო­ბა­ში
"ბა­ში-აჩუ­კი" მო­ხე­ლეს უზო­მოდ მო­ე­წო­ნა, თვა­ლე­ბი ცრემ­ლე­ბით ჰქონ­და სავ­სე

0 კომენტარი
"ისე წავიდა ჩემი ცხოვრება, სულ ლურჯას როლში ვიყავი" რატომ არ ისურვა მსახიობობა "სოფომ", ფილმიდან - "მაგდანას ლურჯა"
"ვიძახდი: მორჩა! არც მაწონი გამაგონოთ და არც ფილმში გადაღებაზე მითხრათ რამე-მეთქი"

3 კომენტარი
თბილისელი ბოშას ელიტური ცხოვრება
"ერთ ბინაში გაჩერება დიდხანს არ შემიძლია"

4 კომენტარი
რას ვჭამთ?!
ცოლს რომ არ გა­ე­წი­რა თა­ვი და სა­ბერ­ძ­ნეთ­ში არ გა­დახ­ვე­წი­ლი­ყო სა­მუ­შა­ოდ, ალ­ბათ, ოჯა­ხიც და­ენ­გ­რე­ო­და და თა­ვიც მო­საკ­ლა­ვი გა­უხ­დე­ბო­და

ერ­თი ახ­ლო­ბე­ლი მყავს - და­თო, რო­მელ­მაც თა­ვის დრო­ზე პო­ლი­ტექ­ნი­კუ­რი ინ­ს­ტი­ტუ­ტის
4 კომენტარი
სახსრებში მამტვრევს. ალბათ ბედნიერების ნიშანია.
LIFE
ერთი დღე ქუჩაში მცხოვრებ და მომუშავე ბავშვებთან
ცენტრში გვითხრეს, რომ ყველაზე დიდი ნაკადი ზამთარში შემოდის, როდესაც ცივა.

1 კომენტარი
პო­ლი­ცი­ის მა­ხე­ში გაბ­მუ­ლი შუ­რის­მა­ძი­ე­ბე­ლი
"15 წლის ვი­ყა­ვი, რო­ცა პირ­ველ "საქ­მე­ზე" გავ­ყე­ვი ბი­ჭებს"

4 კომენტარი
"ხში­რად მი­წევს ყელ­ში მობ­ჯე­ნი­ლი ცრემ­ლე­ბის გა­დაყ­ლაპ­ვაც" - ქმარ­ზე უგო­ნოდ შეყ­ვა­რე­ბუ­ლი ქა­ლის ამ­ბა­ვი
ქალ­ბა­ტონ­მა მა­ნო­ნიმ რომ მითხ­რა, ძა­ლი­ან გთხოვ, ჩემ შე­სა­ხე­ბაც გა­მო­აქ­ვეყ­ნეთ რა­მე
8 კომენტარი