რო­გორ აშენ­და "დი­ნა­მოს" სტა­დი­ო­ნი?
font-large font-small
რო­გორ აშენ­და "დი­ნა­მოს" სტა­დი­ო­ნი?
თა­ნა­მედ­რო­ვე სტა­დი­ო­ნის ასა­გე­ბად, სა­ჭი­რო იყო პრაქ­ტი­კუ­ლად მთლი­ა­ნად და­ენ­გ­რი­ათ ძვე­ლი სტა­დი­ო­ნი

Представляю, что творится в Тбилиси, ликует вся страна, ликует столица Грузии, тбилисцы овладели этим Кубком!
ლე­გენ­და­რუ­ლი სპორ­ტუ­ლი კო­მენ­ტა­ტო­რის, კო­ტე მა­ხა­რა­ძის ამ სიტყ­ვებ­მა 1981 წლის 13 მა­ი­სის ღა­მეს ლა­მის მთე­ლი თბი­ლი­სი ქუ­ჩებ­ში გა­მო­იყ­ვა­ნა და ათა­სო­ბით გულ­შე­მატ­კი­ვა­რი დი­ნა­მოს სტა­დი­ო­ნი­სა­კენ და­იძ­რა. ამ საქ­ცი­ე­ლის­კენ არც ბა­ტონ კო­ტეს და არც ვინ­მე სხვას მო­უ­წო­დე­ბია, მაგ­რამ ხალ­ხი ინ­ს­ტინ­ქ­ტუ­რად სწო­რედ ჩვენს საყ­ვა­რელ სპორ­ტულ არე­ნა­ზე შე­იკ­რი­ბა. თბი­ლი­სი და მთე­ლი სა­ქარ­თ­ვე­ლო ევ­რო­პის ქვეყ­ნე­ბის თა­სე­ბის მფლო­ბელ­თა თა­სის მო­პო­ვე­ბას ზე­ი­მობ­და.



ფეხ­ბურ­თი და სტა­დი­ო­ნი, ეს რა­ღაც მა­რა­დი­უ­ლი ფე­ნო­მე­ნია, მი­სი ტრი­ბუ­ნე­ბი კი ჩვე­ნი ერ­თო­ბის, პო­ზი­ცი­ი­სა თუ ოპო­ზი­ცი­ის, პარ­ლა­მენ­ტა­რე­ბი­სა თუ რი­გი­თი გულ­შე­მატ­კივ­რე­ბის თავ­შეყ­რის, ზოგ­ჯერ გა­მარ­ჯ­ვე­ბის, ბო­ლო წლებ­ში კი ხში­რად იმედ­გაც­რუ­ე­ბის ად­გი­ლია. თუმ­ცა, ფეხ­ბურ­თის გურ­მა­ნე­ბი თა­ო­ბი­დან თა­ო­ბამ­დე, სწო­რედ ამ სტა­დი­ონ­ზე და­დი­ოდ­ნენ ბო­რის პა­ი­ჭა­ძის, მი­ხე­ილ მეს­ხის, და­ვით ყი­ფი­ა­ნის, რა­მაზ შენ­გე­ლი­ა­სა და მა­თი და­რი კო­რი­ფე­ე­ბის სა­ნა­ხა­ვად.

სა­უ­კუ­ნე­ზე მე­ტია, რაც ფეხ­ბურ­თ­მა ქარ­თულ მი­წა­ზე მო­ი­კი­და ფე­ხი. იმ­ხა­ნად თბი­ლის­ში სტა­დი­ო­ნი არც არ­სე­ბობ­და და ახალ­გაზ­რ­დე­ბი ბურთს იპოდ­რომ­ზე დას­დევ­დ­ნენ, რო­მე­ლიც დი­დუ­ბის ეკ­ლე­სი­ი­დან დღე­ვან­დელ მეტ­რო­სად­გურ დი­დუ­ბემ­დე მდე­ბა­რე­ობ­და, მაგ­რამ მო­გეხ­სე­ნე­ბათ, იპოდ­რო­მი პირ­ველ რიგ­ში, დო­ღი­სა და ჯი­რი­თის­თ­ვი­საა გან­კუთ­ვ­ნი­ლი და ფეხ­ბურ­თის სა­თა­მა­შოდ ყო­ველ­თ­ვის არ იყო თა­ვი­სუ­ფა­ლი. ამი­ტომ "სო­კო­ლის" გუნ­დის წევ­რებ­მა კა­პი­ტა­ლისტ ფრი­დო­ნოვს სთხო­ვეს, დი­დუ­ბე­ში­ვე, ელი­ზა­ვე­ტას ქუ­ჩა­ზე (მოგ­ვი­ა­ნე­ბით დე­ზერ­ტი­რე­ბის ბაზ­რის ტე­რი­ტო­რი­ა) მათ­თ­ვის და­ეთ­მო ხრი­ო­კი მინ­დო­რი. ფრი­დო­ნო­ვი შე­საძ­ლოა, ფეხ­ბურ­თის დი­დი მოყ­ვა­რუ­ლი არც ყო­ფი­ლა, მაგ­რამ ბი­ჭებს ის მინ­დო­რი კი აჩუ­ქა და სწო­რედ აქ, 1911 წელს მო­ეწყო თბი­ლი­სის პირ­ვე­ლი სა­ფეხ­ბურ­თო მო­ე­და­ნი.

მოგ­ვი­ა­ნე­ბით, თბი­ლი­სის დი­ნა­მოს პირ­ვე­ლი სტა­დი­ო­ნი, ტრი­ბუ­ნე­ბით, 1927 წელს პლე­ხა­ნო­ვის პროს­პექ­ტ­ზე, თბი­ლი­სის ქვე­ი­თი ჯა­რის შე­ნო­ბის წინ, კი­ნო­თე­ატრ "ა­პო­ლოს" გვერ­დით აშენ­და. ახ­ლა იქ დი­დი არ­კი­ა­ნი საცხოვ­რე­ბე­ლი სახ­ლია. ბა­ლა­ხის საფ­რი­ან მინ­დორ­ზე ლა­პა­რა­კი ჯერ ნა­ად­რე­ვი იყო, ბი­ჭე­ბი ხრი­ოკ მო­ე­დან­ზე თა­მა­შობ­დ­ნენ ფეხ­ბურთს, თუმ­ცა აზარ­ტი არა­ვის აკ­ლ­და. არ­ც­თუ ისე იშ­ვი­ა­თად უხე­ი­როდ დარ­ტყ­მუ­ლი ბურ­თი პლე­ხა­ნო­ვის პროს­პექ­ტ­ზე ვარ­დე­ბო­და, სა­დაც ტრამ­ვაი ჯერ კი­დევ და­დი­ო­და და ვიდ­რე ბურთს მო­ე­დან­ზე და­აბ­რუ­ნებ­დ­ნენ, თა­მა­შიც დრო­ე­ბით წყდე­ბო­და.

იმ პე­რი­ო­დის­თ­ვის ფეხ­ბურ­თი უკ­ვე საკ­მა­ოდ პო­პუ­ლა­რუ­ლი გახ­და სა­ქარ­თ­ვე­ლო­ში და დღის წეს­რიგ­ში დად­გა დი­დი სტა­დი­ო­ნის მშე­ნებ­ლო­ბის სა­კითხი. 1932 წელს გა­მოცხად­და კი­დეც კონ­კურ­სი სტა­დი­ო­ნის პრო­ექ­ტ­ზე, რო­მელ­შიც ახალ­გაზ­რ­და არ­ქი­ტექ­ტორ­მა, არ­ჩილ ქურ­დი­ან­მა გა­ი­მარ­ჯ­ვა. მა­ნამ­დე ასე­თი მასშ­ტა­ბუ­რი სპორ­ტუ­ლი არე­ნე­ბის მშე­ნებ­ლო­ბის გა­მოც­დი­ლე­ბა ჩვენ­ში არა­ვის ჰქონ­და. ამი­ტო­მაც არ­ჩილ ქურ­დი­ან­მა შე­ის­წავ­ლა მოს­კო­ვის, ლე­ნინ­გ­რა­დი­სა და ხარ­კო­ვის სტა­დი­ო­ნე­ბი და შექ­მ­ნა ახა­ლი ქარ­თუ­ლი არ­ქი­ტექ­ტუ­რის შე­სა­ნიშ­ნა­ვი ნი­მუ­ში.
ძნე­ლი მი­სახ­ვედ­რი არ არის, რომ თა­ნა­მედ­რო­ვე სტა­დი­ო­ნის მშე­ნებ­ლო­ბა ქურ­დი­ა­ნის­თ­ვის საკ­მა­ოდ რთუ­ლი იყო. არ­ქი­ტექ­ტორს ბევ­რი რამ უნ­და გა­ეთ­ვა­ლის­წი­ნე­ბი­ნა: დაწყე­ბუ­ლი სტა­დი­ო­ნის ად­გილ­მ­დე­ბა­რე­ო­ბის შერ­ჩე­ვი­დან, დამ­თავ­რე­ბუ­ლი მა­ყუ­რებ­ლე­ბის უსაფ­რ­თხო­ე­ბით. სა­ბო­ლო­ოდ, მან ყვე­ლა ამ სირ­თუ­ლეს ჩი­ნე­ბუ­ლად გა­არ­თ­ვა თა­ვი და დი­დუ­ბე­ში, მუშ­თა­ი­დის გვერ­დით ძა­ლი­ან ლა­მა­ზი "დი­ნა­მოს" სტა­დი­ო­ნი ააგო. სტა­დი­ო­ნის მშე­ნებ­ლო­ბი­სათ­ვის 6 მი­ლი­ო­ნი მა­ნე­თი გა­მო­ი­ყო, სამ­შე­ნებ­ლო სა­მუ­შა­ო­ე­ბი კი 1933 წლის სექ­ტემ­ბერ­ში და­იწყო. ეს იყო ყვე­ლა­ზე დი­დი სპორ­ტუ­ლი ნა­გე­ბო­ბა ამი­ერ­კავ­კა­სი­ა­ში. სტა­დი­ო­ნის სა­ერ­თო სიგ­რ­ძე 150 მეტ­რი, სი­გა­ნე კი _ 100 მეტ­რი იყო. სა­თა­მა­შო მინ­დო­რი, შე­სა­ბა­მი­სად _ 110 და 72 მეტ­რი. თავ­და­პირ­ვე­ლად, აღ­მო­სავ­ლე­თი­სა და და­სავ­ლე­თის ტრი­ბუ­ნე­ბი სა­მი­ა­რუ­სი­ა­ნი, ხო­ლო ჩრდი­ლო და სამ­ხ­რეთ ტრი­ბუ­ნე­ბი ორი­ა­რუ­სი­ა­ნი იყო. მათ­ზე სა­ერ­თო ჯამ­ში 23 ათა­სი გულ­შე­მატ­კი­ვა­რი ეტე­ო­და, ხო­ლო ტრი­ბუ­ნე­ბის ქვეშ სპორ­ტუ­ლი დარ­ბა­ზე­ბი მო­ეწყო. სა­ზე­ი­მო გახ­ს­ნის ცე­რე­მო­ნია 1935 წლის ნო­ემ­ბერ­ში გა­ი­მარ­თა და პირ­ვე­ლი მატ­ჩიც მა­შინ გა­ი­მარ­თა. ამი­ერ­კავ­კა­სი­ის პირ­ველ­მა ნაკ­რებ­მა მე­ო­რე გუნდს მო­უ­გო, მომ­დევ­ნო წლი­დან კი საბ­ჭო­თა კავ­ში­რის ჩემ­პი­ო­ნა­ტე­ბიც და­იწყო.

პირ­ველ სე­ზონ­ში, სა­კავ­ში­რო სპორ­ტ­კო­მი­ტე­ტის გა­დაწყ­ვე­ტი­ლე­ბით, თბი­ლი­სის "დი­ნა­მო" რა­ტომ­ღაც სა­გა­ზაფხუ­ლო ჩემ­პი­ო­ნა­ტის "ბ" კლას­ში ათა­მა­შეს. რო­გორც ჩანს, ჩვე­ნი ფეხ­ბურ­თე­ლე­ბი სუსტ მე­ტო­ქე­ე­ბად მი­იჩ­ნი­ეს, მაგ­რამ სამ­ხ­რე­თე­ლებ­მა ყვე­ლას აჯო­ბეს, პირ­ვე­ლი ად­გი­ლი და­ი­კა­ვეს და "ა" კლას­ში თა­მა­შის უფ­ლე­ბა მო­ი­პო­ვეს.

1936 წლის 7 სექ­ტემ­ბერს სტარ­ტი აიღო სა­შე­მოდ­გო­მო ჩემ­პი­ო­ნატ­მა. უძ­ლი­ე­რეს­თა ლი­გა­ში ქარ­თ­ველ­მა ფეხ­ბურ­თე­ლებ­მა პირ­ველ მატ­ჩ­ში კი­ე­ველ თა­ნაკ­ლუ­ბე­ლებს უმას­პინ­ძ­ლეს და ფრე ითა­მა­შეს. სამ­წუ­ხა­როდ, ის­ტო­რი­ამ არ შე­მოგ­ვი­ნა­ხა, ვინ გა­ი­ტა­ნა პირ­ვე­ლი გო­ლი ჩვენს სტა­დი­ონ­ზე. იმ სე­ზონ­ში თბი­ლი­სის დი­ნა­მო­ე­ლებ­მა მე­ტო­ქე­თათ­ვის მო­უ­ლოდ­ნე­ლად, კარ­გად ითა­მა­შეს და სა­კავ­ში­რო ჩემ­პი­ო­ნატ­ში მე­სა­მე, ხო­ლო თა­სის გა­თა­მა­შე­ბა­ში მე­ო­რე ად­გი­ლი და­ი­კა­ვეს. ქარ­თ­ვე­ლი ფეხ­ბურ­თე­ლე­ბი წარ­მა­ტე­ბით თა­მა­შობ­დ­ნენ შემ­დ­გომ წლებ­შიც. თა­სის გა­თა­მა­შე­ბებ­სა და სა­კავ­ში­რო ჩემ­პი­ო­ნა­ტებ­ში ისი­ნი არა­ერ­თხელ იდ­გ­ნენ ძა­ლი­ან ახ­ლოს უმაღ­ლეს მწვერ­ვა­ლებ­თან, მაგ­რამ იმ­ხა­ნად და­უ­წე­რე­ლი კა­ნო­ნი მოქ­მე­დებ­და: ჩემ­პი­ო­ნიც და თა­სის მფლო­ბე­ლიც მხო­ლოდ მოს­კო­ვის გუნ­დი უნ­და ყო­ფი­ლი­ყო _ "სპარ­ტა­კი" ან "დი­ნა­მო".
თბი­ლი­სურ­მა კლუბ­მა ამ კა­ნო­ნის დარ­ღ­ვე­ვა მა­ინც მო­ა­ხერ­ხა, რო­დე­საც 1964 წელს ოქ­როს მატ­ჩ­ში 4:1 და­ა­მარ­ცხა მოს­კო­ვის "ტორ­პე­დო" და ჩემ­პი­ო­ნის ტი­ტუ­ლი მო­ი­პო­ვა. მა­ნამ­დე კი ჩვე­ნი სტა­დი­ო­ნის ჩრდი­ლო­ე­თის ტრი­ბუ­ნებს კი­დევ ერ­თი და­ე­მა­ტა და და­საჯ­დო­მი სკა­მე­ბის რა­ო­დე­ნო­ბა 36 ათა­სამ­დე გა­ი­ზარ­და.

ოქ­როს მედ­ლე­ბის მო­პო­ვე­ბის შემ­დეგ სა­ქარ­თ­ვე­ლო­ში ფეხ­ბურ­თის ბუ­მის ახა­ლი ტალ­ღა წა­მო­ვი­და, ტრი­ბუ­ნე­ბი ვე­ღარ იტევ­და გულ­შე­მატ­კივ­რებს და 1967 წელს "დი­ნა­მოს" სტა­დი­ო­ნის გე­ნე­რა­ლუ­რი რე­კონ­ს­ტ­რუქ­ცია და­იწყო. იმ­ხა­ნად მოს­კო­ვი კრძა­ლავ­და მას­შ­ტა­ბუ­რი სპორ­ტულ ნა­გე­ბო­ბე­ბის მშე­ნებ­ლო­ბას, მაგ­რამ სა­ქარ­თ­ვე­ლოს კომ­პარ­ტი­ის ცკ-ის პირ­ვე­ლი მდი­ვა­ნი, ვა­სილ მჟა­ვა­ნა­ძე მა­ინც ახერ­ხებ­და მსგავ­სი პრო­ექ­ტე­ბის გან­ხორ­ცი­ე­ლე­ბას. 1961 წელს, თბი­ლი­სის სპორ­ტის სა­სახ­ლე გა­იხ­ს­ნა, 1966 მეტ­რო­პო­ლი­ტე­ნი ამუ­შავ­და, შემ­დეგ კი დი­ნა­მოს სტა­დი­ო­ნის რე­კონ­ს­ტ­რუქ­ცი­ის­თ­ვის 9 მი­ლი­ო­ნი მა­ნე­თიც გა­მოს­ტყუა მოს­კოვს.

რე­კონ­ს­ტ­რუქ­ცია კვლავ არ­ჩილ ქურ­დი­ანს და­ე­ვა­ლა. ამის გა­კე­თე­ბა მის­თ­ვის უდა­ვოდ შე­მოქ­მე­დე­ბი­თი ტრა­გე­დია იყო, ვი­ნა­ი­დან ახა­ლი, თა­ნა­მედ­რო­ვე სტა­დი­ო­ნის ასა­გე­ბად, სა­ჭი­რო იყო პრაქ­ტი­კუ­ლად მთლი­ა­ნად და­ენ­გ­რი­ათ ძვე­ლი სტა­დი­ო­ნი. არ­ჩილ ქურ­დი­ან­თან ერ­თად პრო­ექ­ტ­ზე მუ­შა­ობ­და მი­სი შვი­ლი, გია ქურ­დი­ა­ნი და კონ­ს­ტ­რუქ­ტო­რი შალ­ვა გა­ზაშ­ვი­ლი. თავ­და­პირ­ვე­ლად ტრი­ბუ­ნე­ბი 100 ათა­სი მა­ყუ­რებ­ლი­სათ­ვის იყო გათ­ვა­ლის­წი­ნე­ბუ­ლი, მაგ­რამ მოს­კოვ­მა ვე­ტო და­ა­დო ამ პრო­ექტს, აქა­ო­და, 100-ათა­სი­ა­ნი სტა­დი­ო­ნი მხო­ლოდ მოს­კო­ვის "ლუჟ­ნი­კე­ბის" სტა­დი­ო­ნი უნ­და ყო­ფი­ლი­ყო. მაგ­რამ თბი­ლი­სის "დი­ნა­მოს" მატ­ჩებს სა­შუ­ა­ლოდ 40-50 ათა­სი გულ­შე­მატ­კი­ვა­რი ეს­წ­რე­ბო­და, ამ­დენ მა­ყუ­რე­ბელს კი ერ­თად აღე­ბუ­ლი მოს­კო­ვის ოთხი­ვე გუნ­დი ვერ აგ­რო­ვებ­და. სა­ბო­ლო­ოდ ორი­ა­რუ­სი­ა­ნი ტრი­ბუ­ნე­ბი ააგეს 75 ათა­სი მა­ყუ­რებ­ლი­სათ­ვის. 30 მეტ­რის სი­გა­ნის რკი­ნა­ბე­ტო­ნის სა­ხუ­რა­ვი წვი­მი­სა­გან იცავ­და 50 ათა­სამ­დე გულ­შე­მატ­კი­ვარს. აღ­სა­ნიშ­ნა­ვია, რომ ტრი­ბუ­ნე­ბის ქვეშ გან­თავ­სე­ბუ­ლი სპორ­ტუ­ლი დარ­ბა­ზე­ბი პრაქ­ტი­კუ­ლად ხე­ლუხ­ლე­ბე­ლი დარ­ჩა. ასე­ვე თით­ქ­მის უც­ვ­ლე­ლი დარ­ჩა სა­თა­მა­შო მინ­დ­ვ­რის ზო­მე­ბი 105-70 მ. სა­ერ­თა­შო­რი­სო სტან­დარ­ტე­ბის შე­სა­ბა­მი­სად მო­ეწყო 8 სარ­ბე­ნი ბი­ლი­კი. აღად­გი­ნეს სა­თა­და­რი­გო მო­ე­და­ნიც. სტა­დი­ონს ლე­ნი­ნის სა­ხე­ლო­ბის "დი­ნა­მოს" სტა­დი­ო­ნი და­ერ­ქ­ვა (1953 წლამ­დე, ვიდ­რე ლავ­რენ­ტი ბე­რია ცოცხა­ლი იყო, "დი­ნა­მოს" სტა­დი­ო­ნი მი­სი სა­ხე­ლო­ბის იყო).

გა­ნახ­ლე­ბუ­ლი არე­ნის სა­ზე­ი­მო გახ­ს­ნის ცე­რე­მო­ნია 1976 წლის სექ­ტემ­ბ­რის ბო­ლოს მო­ეწყო. 80 ათა­სი გულ­შე­მატ­კი­ვა­რი ფეხ­ზე ამ­დ­გა­რი ტაშს უკ­რავ­და არ­ქი­ტექ­ტო­რებს, მშე­ნებ­ლებ­სა და თბი­ლი­სის "დი­ნა­მოს" ფეხ­ბურ­თე­ლებს, რომ­ლებ­მაც სწო­რედ იმ წელს საბ­ჭო­თა კავ­ში­რის თა­სის გა­თა­მა­შე­ბის ფი­ნა­ლურ მატ­ჩ­ში 3:0 და­ა­მარ­ცხეს ერევ­ნის "ა­რა­რა­ტი" და პირ­ვე­ლად მო­ი­პო­ვეს ეს პრეს­ტი­ჟუ­ლი პრი­ზი. პირ­ვე­ლი მატ­ჩი ამ დი­დე­ბულ სტა­დი­ონ­ზე სულ რამ­დე­ნი­მე დღის შემ­დეგ გა­ი­მარ­თა. ევ­რო­პის ქვეყ­ნე­ბის თა­სე­ბის მფლო­ბელ­თა თა­სის გა­თა­მა­შე­ბის სა­პა­სუ­ხო შეხ­ვედ­რა­ში ჩვენ­მა გუნ­დ­მა 3:0 და­ა­მარ­ცხა უელ­სის კარ­დიფ-სი­ტი, პირ­ვე­ლი გო­ლი კი ვლა­დი­მირ გუ­ცა­ევ­მა გა­ი­ტა­ნა. იმ სე­ზონ­ში ქარ­თ­ველ­მა ფეხ­ბურ­თე­ლებ­მა ნო­დარ ახალ­კა­ცის ხელ­მ­ძღ­ვა­ნე­ლო­ბით, მრა­ვალ­წ­ლი­ა­ნი პა­უ­ზის შემ­დეგ, კვლავ მო­ი­პო­ვეს სა­კავ­ში­რო ჩემ­პი­ო­ნა­ტის ბრინ­ჯა­ოს მედ­ლე­ბი, რო­გორც სა­გა­ზაფხუ­ლო, ასე­ვე სა­შე­მოდ­გო­მო ჩემ­პი­ო­ნა­ტებ­ში. აღ­მავ­ლო­ბის გზა­ზე დამ­დ­გა­რი კლუ­ბის თა­მა­შის სა­ნა­ხა­ვად კვლავ ყვე­ლა­ზე მე­ტი, 45-50 ათა­სი გულ­შე­მატ­კი­ვა­რი იკ­რი­ბე­ბო­და სტა­დი­ო­ნის ტრი­ბუ­ნებ­ზე, სა­ერ­თა­შო­რი­სო მატ­ჩე­ბის დროს კი ბი­ლე­თე­ბის შოვ­ნა შე­უძ­ლე­ბე­ლი იყო. შავ ბა­ზარ­ზე მა­თი ფა­სი 100-120 მა­ნეთს აღ­წევ­და. 1979 წლის 3 ოქ­ტომ­ბერს, ჩვე­ნი "დი­ნა­მო­სა" და ინ­გ­ლი­სის "ლი­ვერ­პუ­ლის" ჩემ­პი­ონ­თა თა­სის გა­თა­მა­შე­ბის მატ­ჩის სა­ნა­ხა­ვად, თავ­ს­ხ­მა წვი­მის მი­უ­ხე­და­ვად, სტა­დი­ო­ნის ტრი­ბუ­ნებ­ზე სა­რე­კორ­დო, 110 ათა­სი მა­ყუ­რე­ბე­ლი შე­იკ­რი­ბა. ის და­უ­ვიწყა­რი მატ­ჩი ჩვენ­მა ფეხ­ბურ­თე­ლებ­მა 3:0 მო­ი­გეს, რაც მთა­ვა­რია სტა­დი­ო­ნის ტრი­ბუ­ნებ­მა ასეთ დატ­ვირ­თ­ვა­საც გა­უძ­ლეს. ის დღე არ­ქი­ტექ­ტორ-კონ­ს­ტ­რუქ­ტო­რე­ბის და მშე­ნებ­ლე­ბის გა­მარ­ჯ­ვე­ბის დღეც იყო. 1990 წლი­დან ქარ­თ­ველ­მა ფეხ­ბურ­თე­ლებ­მა და­მო­უ­კი­დე­ბე­ლი ეროვ­ნუ­ლი ჩემ­პი­ო­ნა­ტე­ბი ჩა­ა­ტა­რეს. იმა­ვე წლი­დან "დი­ნა­მოს" არე­ნას ეროვ­ნუ­ლი სტა­დი­ო­ნის სტა­ტუ­სი მი­ე­ნი­ჭა, ხო­ლო 1995 წლი­დან "ბო­რის პა­ი­ჭა­ძის სა­ხე­ლო­ბის ეროვ­ნუ­ლი სტა­დი­ო­ნი" ჰქვია. 2006 წელს ჩვე­ნი სტა­დი­ო­ნი კი­დევ ერ­თხელ გა­ნა­ახ­ლეს. დღე­ვან­დე­ლი მოთხოვ­ნე­ბის თა­ნახ­მად, და­მონ­ტაჟ­და ინ­დი­ვი­დუ­ა­ლუ­რი სკა­მე­ბი, რის გა­მოც ტრი­ბუ­ნე­ბის ტე­ვა­დო­ბა 50500-მდე შემ­ცირ­და. იმა­ვე წლის შე­მოდ­გო­მა­ზე სა­ქარ­თ­ვე­ლოს ეროვ­ნულ­მა ნაკ­რებ­მა მსოფ­ლი­ოს ჩემ­პი­ო­ნა­ტის შე­სარ­ჩე­ვი ტურ­ნი­რის პირ­ველ მატ­ჩ­ში საფ­რან­გე­თის ნაკ­რებს უმას­პინ­ძ­ლა. შეხ­ვედ­რა კვლავ 3:0 დამ­თავ­რ­და, თუმ­ცა ამ­ჯე­რად სტუმ­რე­ბის სა­სარ­გებ­ლოდ...

გოგი ფრანგიშვილი
ბეჭდვაელფოსტა
კომენტარები (0)
კომენტარი არ გაკეთებულა
ამ კატეგორიის სხვა სიახლეები
"ნივ­თი­ე­რე­ბე­ბის ფუნ­და­მენ­ტუ­რი შეს­წავ­ლა მა­ინ­ტე­რე­სებს"
რით გა­აკ­ვირ­ვა ნი­კო­ლოზ ლაგ­ვი­ლა­ვამ მექ­სი­კე­ლი კო­ლე­გა
სოფ­ლის მე­ურ­ნე­ო­ბა კარ­გად შე­იძ­ლე­ბა გან­ვი­თარ­დეს კო­ო­პე­რა­ცი­ის გზით
მე­გობ­რებ­მა მავ­თუ­ლის ღო­ბე გა­არ­ღ­ვი­ეს, შვლებს და­უ­ცაცხა­ნეს და მდი­ნა­რის სა­ნა­პი­როს­კენ გა­უშ­ვეს
"ამ ქა­ლაქ­ში პირ­ვე­ლი ტან­მო­ვარ­ჯი­შე­ე­ბი მე და ჩე­მი მე­გო­ბა­რი გო­გო­ნე­ბი ვი­ყა­ვით"
პირად ცხოვრებაში შეცდომები მაქვს, რადგან მეგონა, სულ ლამაზი, ახალგაზრდა, კარგ ხასიათზე მყოფი ვიქნებოდი...
ადამიანური ცოდვებით მოსარგებლე ხელისუფლება, ეკლესია და თავდახრილი საზოგადოება
მსახიობი ლიკა ქავჟარაძე საკუთარ სახლში გარდაცვლილი იპოვეს.
"გა­მო­გო­ნე­ბა სა­შუ­ა­ლე­ბას გვაძ­ლევს, და­ვიც­ვათ სი­ცოცხ­ლე და დავ­ზო­გოთ დრო, ენერ­გია, ხარ­ჯე­ბი"
კვირის სიახლეები
ქალის სასტიკი ხვედრი "მესამე სამყაროში" - სულისშემძვრევლი ამბავი გაყიდულ შვილებზე
ავღანელი გოგონას უმძიმესი ცხოვრების ამბავი
3 კომენტარი
მა­ჩაბ­ლის იდუ­მა­ლე­ბით მო­ცუ­ლი ცხოვ­რე­ბა და გა­უ­ჩი­ნა­რე­ბა
"რუ­დუ­ნე­ბით შე­მო­ნა­ხუ­ლი მი­სი სა­მი ნეკ­ნი მთაწ­მინ­დას მი­ა­ბა­რეს..."
8 კომენტარი
რო­გო­რი იქ­ნე­ბა ოქ­ტომ­ბე­რი ზო­დი­ა­ქოს ნიშ­ნე­ბის­თ­ვის
სულ მა­ლე შე­მოდ­გო­მის მე­ო­რე თვე, ყვე­ლა­ზე ფე­რა­დი და მდიდ­რუ­ლი ოქ­ტომ­ბე­რი შე­ვა ძა­ლა­ში.
0 კომენტარი
თემა, რომელზეც ილო ბეროშვილი საჯაროდ პირველად ალაპარაკდა
ილო ბეროშვილის "ფერისცვალება" და განცდა, რომელიც ხელახლა დაბადების ტოლფასია
1 კომენტარი
ვინ არის გამოსახული ფოტოზე, რომელიც დღემდე ნატო ვაჩნაძე გვეგონა
"სახითა და აღნაგობით ჰგავდნენ ერთმანეთს, ორივე ძალიან ლამაზი იყო..."
14 კომენტარი
რო­გორ აშენ­და "დი­ნა­მოს" სტა­დი­ო­ნი?
თა­ნა­მედ­რო­ვე სტა­დი­ო­ნის ასა­გე­ბად, სა­ჭი­რო იყო პრაქ­ტი­კუ­ლად მთლი­ა­ნად და­ენ­გ­რი­ათ ძვე­ლი სტა­დი­ო­ნი
7 კომენტარი
"სიყვარული ყველა ეტაპზე სხვადასხვანაირი და სხვადასხვა ფერია"
დავიწყებული პირველი პაემანი და კარგად გამოყენებული ცხოვრებისეული შანსი
1 კომენტარი
სახსრებში მამტვრევს. ალბათ ბედნიერების ნიშანია.