რატომ არ მიიწვიეს ირაკლი ღარიბაშვილი და მისი მეუღლე ივანიშვილებთან, სადღესასწაულო სუფრაზე?
font-large font-small
რატომ არ მიიწვიეს ირაკლი ღარიბაშვილი და მისი მეუღლე ივანიშვილებთან, სადღესასწაულო სუფრაზე?
"ეს გახლავთ მორალურად გამართული ოჯახი, რომელიც სიყვარულზე, ურთიერთპატივისცემასა და ტრადიციებზე დგას..."
"ბიძინა ივანიშვილმა და ეკა ხვედელიძემ უკვე წლებია, დანერგეს 2 იანვრის ტრადიცია და ალბათ ამდენ წელს არ გაგრძელდებოდა, გულწრფელ სიხარულსა და სითბოს რომ არ ვგრძნობდეთ ოჯახის დიასახლისისგან. ეკა სწორედ მაგითაა გამორჩეული და რაც უფრო დაუახლოვდები, მით უფრო მეტად გინდება, ხშირად ეწვიო სტუმრად და თავადაც ხშირად მოიწვიო... მიუხედავად იმისა, რომ ძალიან დატვირთულია, დროს ყველაფრისთვის გამონახავს..." _ გვიყვება ნიკუშა შენგელაიას მეუღლე, ეკა ჭიჭინაძე და ორ იანვარს, ივანიშვილების ოჯახში სტუმრად ყოფნის შთაბეჭდილებებს გვიზიარებს...

-ეს გახლავთ მორალურად გამართული ოჯახი, რომელიც სიყვარულზე, ურთიერთპატივისცემასა და ტრადიციებზე დგას... ორი იანვრის შეხვედრაც ამ ოჯახში ერთგვარ ტრადიციად დაინერგა. მე და ჩემი მეუღლე, ნიკუშა შენგელაია 2011 წლიდან შევუერთდით და ჩვენი მეგობრობაც 2011 წლიდან დაიწყო... მანამდე ივანიშვილების მეგობრების დიდი წრე იყო: ანსამბლი "ქართული ხმების" წარმომადგენლები და მათი მეუღლეები, გივი ბერიკაშვილი, კახი კავსაძე... რამაზ ჩხიკვაძესთანაც ძალიან ახლო ურთიერთობა ჰქონდათ... შეხვედრისას ერთმანეთს ვეფერებით, სიცილი და მხიარულება იგრძნობა, საინტერესო ამბებს ვყვებით, თან ვსადილობთ... დღის ორ საათზე ვიკრიბებით და საღამოს 9 საათამდე ერთად ვართ. ამ ოჯახს თავიანთი ტრადიციებიც აქვს: აუცილებლად ერთად ხვდებიან ახალი წლის მოსვლას. უტა და გვანცაც ჩამოვიდნენ საახალწლოდ. ორ იანვარს მეგობრებთან შეხვედრის დღე აქვთ და შემდეგ დედასთან მიდიან...

-ქართული ტრადიციებით აღნიშნავენ ამ დღეს?

-ადრე ორ იანვარს მათ სახლში ვხვდებოდით. შარშან და წელს რესტორანში -მთაწმინდაზე ვიყავით... არაჩვეულებრივი სიმღერებით ისეთი ატმოსფერო შეიქმნა, არ გვინდოდა, რომ დასრულებულიყო. "ქართული ხმები" მოგეხსენებათ, რა მაღალი დონის ანსამბლია და ყველა სიმღერა გულით ნამღერია თან... ბატონ ბიძინას გემოვნებაც ეგ არის, რომ ყველაფერ ქართულსა და ხარისხიანზე გიჟდება. შვილებიც პატრიოტები არიან. ბერა ყველაზე ხშირად ჩანს და თუ დააკვირდებით, საოცრად შეყვარებულია თავის ქვეყანაზე. სხვებიც წავლენ-წამოვლენ, საზღვარგარეთ მიიღებენ განათლებას, მაგრამ ყველაფერი ის აინტერესებთ, რაც საქართველოსთან არის დაკავშირებული. ძალიან დიდსულოვანია ხალხისადმი მათი დამოკიდებულება. რაც უნდა უარყოფითი აზრი მოისმინონ, ყველაფერზე მაღლა დგანან და მათგან ცუდად ნათქვამს ვერავისზე გაიგებთ.

-ოჯახის დიასახლისის, ეკა ხვედელიძის დამოკიდებულება როგორია სტუმრების მიმართ?

-ეკა ნამდვილად გამორჩეული ადამიანია. ის არა მარტო სტუმრების მიმართ არის უზომოდ გულთბილი, არამედ ძალიან ბევრს ფიქრობს ქვეყნის სიკეთეზეც. ალბათ ძალიან ცოტამ თუ იცის, ქვეყანაში თუ რამ კარგი ხდება, ძალიან დიდი წვლილი ეკა ხვედელიძეს მიუძღვის. იმდენად ბევრ რამეს აკეთებს ჩუმად, რომ ვთვლი, რომ პირველი ლედი საქართველოსი ნამდვილად ეკაა! როგორც უნდათ, ისე ჩათვალონ ჩემი ნათქვამი, მაგრამ ამ ქალმა დაიმსახურა ეს წოდება თავისი ქველმოქმედებით!.. როგორც მოგახსენეთ, უკვე ბევ­რი წელია, დანერგეს ორი იანვრის ტრადიცია და ალბათ ამდენ ხანს არ გაგრძელდებოდა, გულწრფელ სიხარულსა და სითბოს რომ არ ვგრძნობ­დეთ ოჯახის დიასახლისისგან. ეკა სწორედ მაგითაა გამორჩეული და რაც უფრო დაუახლოვდები, მით უფრო მეტად გინდება მასთან ურთიერთობა, გინდა, ხშირად ეწვიო სტუმრად და თავადაც ხშირად მოიწვიო... მიუხედავად იმისა, რომ ძალიან დატვირთულია, დროს ყველაფრისთვის გამონახავს...

-როგორც ვიცი, თქვენთანაც არაერთხელ ყოფილან სტუმრად ბიძინა ივანიშვილი და ეკატერინე ხვედელიძე...

-რასაკვირველია! ჩვენ ძალიან ახლო, ღია და მეგობრული ურთიერთობა გვაქვს. მე მიყვარს ჩემი და ნიკუშას დაბადების დღეების აღნიშვნა, რადგან მეძლევა საშუალება, ახლობელი და საყვარელი ადამიანები შევკრიბო და მათთან ერთად გავერთო... რამდენჯერმე იყვნენ ჩვენს დაბადების დღეებზე და ძალიან ლამაზად მაგონდება ყოველი მათი ვიზიტი. ზაფხულში ჩვენც ჩავდივართ ურეკში, მათ საზაფხულო რეზიდენციაში... ერთად ვიყავით კახეთსა და საქართველოს სხვადასხვა კუთხეში. ვერ წარმოიდგენთ, როგორ აინტერესებთ, ახლოს გაეცნონ საქართველოს ღირსშესანიშნაობებს. სურთ, მისხალ-მისხალ იცნობდნენ საქართველოს ყველა კუთხეს... ძალიან მასშტაბურია ბიძინა ივანიშვილის აზროვნება და მისი გულწრფელობა ბევრისთვის გაუგებარია. ყოველთვის იმას ამბობს, რასაც ფიქრობს და ეს ყველაზე დასაფასებელი თვისებაა. მის სიკეთეზე ბევრია ნათქვამი, მაგრამ ბევრმაც დაივიწყა... წინა ხელისუფლების დროსაც რაც კეთდებოდა და "ლენტები იჭრებოდა", სინამდვილეში ხომ ბიძინა ივანიშვილის გაკეთებული იყო?!. ეს ოჯახი ღმერთმა გამოგვიგზავნა, სწორ გზას რომ დავადგეთ და მგონი, გამოჩნდა კიდეც შედეგი, თუნდაც, ვიზა-ლიბერალიზაციის მიღება!

-როგორც მახსოვს, თქვენ ძალიან კარგი ურთიერთობა გქონდათ ნუნუკა თამაზაშვილთან... წელს ირაკლი ღარიბაშვილი და მისი მეუღლეც იყვნენ მიწვეული ივანიშვილების მეგობრების გარემოცვაში?

-ნუნუკას რამდენჯერმე შევხვდი და ჩემზე ძალიან კარგი შთაბეჭდილება დატოვა. ორ იანვარს არასოდეს ყოფილა ნუნუკა ჩვენთან ერთად, რადგან ამ დღეს ადამიანების გარკვეული წრე იკრიბება. ვინც ჩამოგითვალეთ, მხოლოდ ისინი, ბოლო წლებში დავემატეთ ჩვენ და დათო მაღრაძე... ნუნუკასთან ხშირი ურთიერთობა არ მქონია, მაგრამ ძალიან კეთილი ადამიანი ჩანს. კარგი გოგოა, კარგი მეუღლე და დედა! ეკა ხვედელიძეს და ნუნუკა თამაზაშვილს არაჩვეულებრივი ურთიერთობა ჰქონდათ ერთმანეთთან და როგორც ვიცი, დღესაც ასე გრძელდება. ბატონ ბიძინასაც უყვარს ნუნუკა და ირაკლიც.

მანანა გაბრიჭიძე

ბეჭდვაელფოსტა
კომენტარები (0)
კომენტარი არ გაკეთებულა
ამ კატეგორიის სხვა სიახლეები
ბავშვი ჩათვლის, რომ გენდერი არჩევითი მდგომარეობაა და რომ მას შეუძლია, თავად აირჩიოს, რომელ გენდერთან მოახდენს თვითიდენტიფიკაციას!
პოპულარული გახდა ბიოლოგიური მეთოდით მოწეული კულტურები
დახვრეტას გადარჩენილი ქართველი მეომრის ნაამბობი
რო­დე­საც შე­სა­წამ­ლი ხსნა­რი მოგ­ვი­ტა­ნეს, იმ ხალ­ხ­საც მო­ვუ­ყე­ვი, რაც და­ვი­ნა­ხე
"თუ ასე გაგრძელდება, ქართველებით დასახლებული რეგიონები გაუკაცრიელდება"
გავ­კად­ნი­ერ­დე­ბი და ლექ­სად გეტყ­ვით, რა იყო ჩემ­თ­ვის სვა­ნე­თი, უშ­გუ­ლი და შხა­რა
ელმირა ყოველ სასწავლო დღეს ენგურის გადაღმიდან ზუგდიდში გადმოდის, რათა ქართულ-აფხაზური გაუცხოება დაამარცხოს
კვირის სიახლეები
ვის ელო­დე­ბა წინ "ტკბი­ლი ნო­ემ­ბე­რი" - სა­სიყ­ვა­რუ­ლო პროგ­ნო­ზი ზო­დი­ა­ქოს ნიშ­ნე­ბის­თ­ვის
შე­მოდ­გო­მა ჯა­დოს­ნუ­რი პე­რი­ო­დია და ბევ­რის­თ­ვის ახა­ლი ურ­თი­ერ­თო­ბე­ბის დაწყე­ბის პერ­ს­პექ­ტი­ვას­თან ასო­ცირ­დე­ბა.
1 კომენტარი
"ლაიქ-შეარს" იმდენი დრო უნდა, ჩემმა მზემ, რომ ამდენი აღარ მცალია" - "არქაულ-თანამედროვედ" მოსაუბრე ჩოხოსანი
მე სიყვარულს წარსულში არ მოვიხსენიებ. თუ გიყვარს, სიკვდილამდე უნდა გიყვარდეს
4 კომენტარი
ქალის სასტიკი ხვედრი "მესამე სამყაროში" - სულისშემძვრევლი ამბავი გაყიდულ შვილებზე
ავღანელი გოგონას უმძიმესი ცხოვრების ამბავი
8 კომენტარი
მა­ჩაბ­ლის იდუ­მა­ლე­ბით მო­ცუ­ლი ცხოვ­რე­ბა და გა­უ­ჩი­ნა­რე­ბა
"რუ­დუ­ნე­ბით შე­მო­ნა­ხუ­ლი მი­სი სა­მი ნეკ­ნი მთაწ­მინ­დას მი­ა­ბა­რეს..."
8 კომენტარი
"დრო ყველაფერს "ალაგებს"... - რაში გაუმართლა თინი გალდავას
როდესაც იცვლება შენი ფიქრები, მაშინვე იცვლება შენი ცხოვრებაც
0 კომენტარი
თემა, რომელზეც ილო ბეროშვილი საჯაროდ პირველად ალაპარაკდა
ილო ბეროშვილის "ფერისცვალება" და განცდა, რომელიც ხელახლა დაბადების ტოლფასია
7 კომენტარი
ვინ არის გამოსახული ფოტოზე, რომელიც დღემდე ნატო ვაჩნაძე გვეგონა
"სახითა და აღნაგობით ჰგავდნენ ერთმანეთს, ორივე ძალიან ლამაზი იყო..."
21 კომენტარი
სახსრებში მამტვრევს. ალბათ ბედნიერების ნიშანია.
LIFE
 "შვი­ლი დღემ­დე არ მპა­ტი­ობს, რომ დე­და­სა და ქმარს სა­თა­ნა­დო ად­გი­ლი ვერ მი­ვუ­ჩი­ნე..."
"წი­თე­ლი" მემ­კ­ვიდ­რე­ო­ბა და და­კარ­გუ­ლი თა­ვი­სუფ­ლე­ბა
1 კომენტარი
უძლური ქმრისა და 18 წლის ცოლის დავა - 11 წლის ასაკში გათხოვილი გოგონას უცნაური თავგადასავალი

უმოწყალესო ხელმწიფევ, ვეკრ­ძალვი და ვიშიშვი თუ ვითარ გავბედო ესე ვითარი მოხსენება
2 კომენტარი
კეთილ სიცრუეში გაზრდილი ქალის ცრემლები
ვერ დავუშვებდი ორმეტრიანი ბიძის უხმოდ გასვენებას

0 კომენტარი